Psa 126 | MMX | STEP | Gase Leeme Silok ga lam asu amlong nema limixin kokoxo uto Saion, maga nunua i do magam tobo mun.

Psalms 126

Lisingising Ti Leeme Silok Kusu Ri Lox Asu Limixin

1 Gase Leeme Silok ga lam asu amlong nema limixin kokoxo uto Saion, maga nunua i do magam tobo mun. 2 Kuren la magang longon aleng mi leklek, la magak pixan momo aleng. La levenabung mixin petpes diga lok keretna, “Leeme Silok ga lox anarong solo vam nedi.” 3 I ruturun do Leeme Silok ga lok lempanga silok tinama, kuren la maga umsu mi lomomo.

4 O Leeme Silok, una lox asang kobot amu manga nama kerekngan larakabu ik lox aumsu laradan to at lamatbin Negev. 5 Ma vara xusu mana lok ngan mun nedi digat pas titlotlo la digang teng, ketla uga lok tooro di kusu dinak lok momo at levenaleng dina sepkin. 6 Nedi digat pas la digap kip levennit piao titlotlo i la digang teng, melemu diga laa boro at leventaamang la digak pixan momo mi lempanga anan atnedi.